Monday, February 20, 2006

انتحار مواطن مصري


قصة من واقع الحياة
عم اسماعيل موظف غلبان شقيان من زمان عنده خمس عيال اللي فيهم في المدرسه و اللي في كليه و اللي و اللي..... ، عم اسماعيل قعد تلات سنين يحوش علشان يشتري اتنين كيلو لحمة ياكلهم هو و العيال و امهم و لما حوش الفلوس و راح للجزار يشتري قالولوه رايح فين ارجع ده في جنون بقر في اللحمه ، فصرف نظر و كمان صرف الفلوس و رجع ياكل فول المهم قرر انه يحوش تاني و يجيب جوزين فراخ حلوين ياكلهم هو و العيله الكريمه و لما حوش قالولوه رايح فين ارجع ده في انفلونزا الطيور في الفراخ ، فصرف نظر و صرف الفلوس و رجع ياكل فول المهم عم اسماعيل قال بلاش لحمه و لا فراخ انا احوش و اجيب سمك فيها حاجه دي قالولوه لا السمك ميه ميه و اتكررت نفس الحكايه و طلع السمك مسموم نتيجه لصرف بعض المواد الضاره في البحر فرجع للفول و بعد كده فكر في حل جميل قوي و هو انه يبقي نباتي و ياكل خضار طلعت الفاشيولا في كل شيء أخضر فرجع للفول تاني و امره لله المهم قرر عم اسماعيل ياكل فول طول عمره و نزل في يوم الصبح يشتري فول من الواد حمو القشلان قالولوه ارجع ياعم اسماعيل انت مابتخافش علي نفسك و اللا علي عيالك الفول فيه سوس فرجع عم اسماعيل بيته و قرر انه يحوش المره دي تحويشه كبيره و صحي في يوم من الأيام و معاه تحويشة عمره فسالته مراته رايح فين يا سي اسماعيل قالها " مابدهاش يا نبوية " و نزل عم اسماعيل و فضل ماشي كتير لحد ما لقي اللي هو عاوزه و اشتراه .... المسدس .....بممممممممم

3 Comments:

Anonymous Anonymous said...

Wonderful and informative web site.I used information from that site its great.
» »

10:17 PM  
Anonymous Anonymous said...

Excellent, love it! Didrex photograph isuzu window regulator Tulas vw car show

6:37 PM  
Anonymous Anonymous said...

I have been looking for sites like this for a long time. Thank you! film editing classes

4:27 AM  

Post a Comment

<< Home