Tuesday, February 21, 2006

صح النوم

قالوا الانسان طلع القمر قلت يا عيني
قالوا كسبنا بطولة الامم الافريقية قلت يا ليلي
قالوا انفلونزا الطيور دخلت مصر قلت يا ويلي
الوقاية خير من العلاج ، كثير قوي بنسمع الجملة دي و بنتأثر بيها لكن عمرنا ما فكرنا نعمل بيها
و لما ظهر مرض انفلونزا الطيور من ثلاث سنين في بعض الدول الاسيوية قال المسئولين عندنا " احنا فين و اسيا فين سيبونا ننام شويه" وبعد كده ابتدي المرض ينتشر في كل العالم في الفتره الاخيره فقال المسئولين " انتوا بتقولوا ايه دي بلدنا بلد الامن و الامان مستحيل المرض يفكر يهوب ناحيتنا سيبونا ننام بقي و بلاش وجع دماغ " و ظهر المرض اخيرا في بلدنا و قال ايه الكل بيحيي المسئولين علي صراحتهم في اعلان الخبر اول لما ظهر ال هما كمان ما كانوش حيعلنوه و اللا الناس من كتر لما اتعودت علي الكدب ماصدقوا لقوا المسئولين بيقولوا حاجه حقيقيه فكانت بالنسبه لهم اعجاز عصري و افتكرت دلوقتي مشهد من فيلم جميل للفنان عادل امام هو فيلم النوم في العسل لما المسئول وقف و صرح للناس ان كل واحد يقف قدام المرايا و يقول انا بمب انا حديد تلات مرات في اليوم بالزمه مش عيب لحد امتي حنفضل عايشين في الجهل و التخلف لحد امتي حنفضل نهرب من الحقيقة امتي حنتعلم نواجه مشاكلنا و نتعامل معاها و نحلها امتي يا خلق هوووه ، ده احنا خدنا كاس الامم الافريقية امتي بقي حنتعلم نقول الحقيقة امتي ؟؟؟؟؟

2 Comments:

Blogger السهروردى said...

بص يا سيدى إجابة سؤالك هو حنتعلم نقول الحقيقة لما ناخد كاس العالم أصل إحنا أخدنا كاس الآمم الأفريقية مرتين قبل كده , و بعدين......آتشوووووو

12:45 AM  
Anonymous Anonymous said...

Best regards from NY! Iguana toys volvo v70 sun roof Able laboratories generic ritalin picture ritalin topamax Disney princesses buddy sofa

10:51 PM  

Post a Comment

<< Home